158 предлог дигитални решенија на јавниот повик Креатон за справување со последиците од КОВИД – 19 одат во фаза на финална селекција

Вкупно 158 од 546 пристигнати иницијативи одат во фаза на финална селекција на јавниот повик КРЕАТОН наменет за креирање на дигитални алатки и решенија за справување со последиците од КОВИД-19.

Сите апликанти чии иницијативи поминаа претселекција, во следните 48 часа треба да изработат на активности и буџет, како и куса видео презентација (pitch) пред Комисијата за евалуација и избор. Комисијата е составена од членови на  Амбасадата на Швајцарија во Република Северна Македонија, УСАИД, УНДП, УНИЦЕФ, МАСИТ и ФИТР, а предлозите се оценуваат според степен на иновативност, рок и механизми за реализација, капацитет на проектниот тим и влијание.

Предлог иницијативите нудат решенија во неколку области – во најголем дел се наменети за е-образование, медицина, ИТ платформи за прилагодување на бизнисот во услови на криза, финансии и трговија, како и информирање, култура и слободно време. Решенијата што по завршување на оваа фаза ќе бидат избрани за реализација имаат рок од 15 дена да бидат функционални.

Дополнително, се очекува решенијата да бидат целосно применливи и во нормални услови, по прекинот на превентивните мерки поврзани со КОВИД – 19 вирусот, како придонес кон забрзана дигитализација на општеството.

Вкупниот буџет за повикот е 10 милиони денари, со максимален износ по апликација од 10.000,00 евра во денарска противвредност.

Овој повик е прва од иницијативите на Фондот за справување со последиците од КОВИД-19. Тимот на ФИТР веќе финализира и нови предлози за поддршка на своите корисници и домашната економја  како дополнение на пакетот економски мерки на Владата.

За само 72 часа доставени над 500 предлог-решенија за полесно справување со кризата од КОВИД-19

Вкупно 546 иницијативи пристигнаа до ФИТР во рамките на јавниот повик КРЕАТОН, наменет за креирање на дигитални алатки и решенија за справување со последиците од КОВИД-19.

„Јавниот повик траеше 72 часа и ваквиот интерес е само показател за нивото на свест и желбата за придонес кај многу наши сограѓани, НВО и компании. Очигледно, и во вакви вонредни околности, креативниот потенцијал и солидарноста се силно изразени во нашето општество“, вели директорот на Фондот, Јован Деспотовски.

Иницијалните бројки покажуваат дека 57% од иницијативите се поднесени од компании, здруженија или организации, а околу 43% се поднесени од физички лица. Пристигнатите проекти нудат решенија во седум области – во најголем дел се наменети за образование и едукација, здравство и медицина, ИТ платформи и апликации, но и во доменот на медиуми и информирање, култура, маркетинг, трговија и финансии, како и забава и рекреација. Иницијативите, меѓудругото, опфаќаат решенија за справување со лажни вести, за полесно следење и ажурирање на официјални информациите поврзани со коронавирусот и превентивните мерки, како и следење на состојбата со лицата во самоизолација, дигитални платформи и училници, решенија за квалитетно искористување на слободното време во домот, дигитални книжарници, квизови и игри,  како и решенија за поефикасно работење онлајн и сл.

Јавниот повик е заеднички потфат на ФИТР, Амбасадата на Швајцарија во Република Северна Македонија, УСАИД, УНДП, УНИЦЕФ, МАСИТ и други партнери/експерти, што ќе ја реализираат и евалуацијата на пристигнатите иницијативи.

По првата фаза, за сите предселектирани иницијативи ќе се определат 48 часа за изработка на детален план на активности и предлог буџет. Апликантите  чии предлог проекти ќе бидат избрани во фазата на финална селекција ќе имаат обврска да подготват јавна презентација на предлогот пред Комисијата. Јавната презентација на решенијата и евалуацијата ќе се врши онлајн преку видео – конференциска врска. Предлозите ќе се оценуваат според степен на иновативност, рок и механизми за реализација, капацитет на проектниот тим и влијание.

Предлог решенијата треба да се имплементираат во кус рок, и да бидат применливи и во нормални услови, по прекинот на превентивните мерки поврзани со КОВИД – 19 вирусот, како придонес кон забрзана дигитализација на општеството.

Вкупниот буџет е 10 милиони денари, со максимален износ по апликација од 10.000,00 евра во денарска противвредност.

Овој повик е прва од иницијативите на Фондот за справување со последиците од КОВИД-19. Тимот на ФИТР веќе финализира и нови предлози за поддршка на домашната економја, а како дополнение на пакетот економски мерки на Владата.

До 10.000 евра за дигитални решенија наменети за полесно справување и надминување на последиците од Ковид 19

Креативни алатки и решенија за онлајн и интерактивни активности или анимација наменети за различни категории на граѓани се предлог проекти со кои може да се аплицира на новиот јавен повик на Фонд за иновации и технолошки развој – Креатон. Повикот се реализира во соработка со Амбасада на Швајцарија во Република Северна Македонија, УСАИД, УНДП, УНИЦЕФ, МАСИТ и други партнери/експерти.

“Ги поттикнуваме и практично ќе ги поддржиме сите што сакаат да дадат придонес во полесно надминување на оваа ситуација. Воведувањето, пред се, на дигиталните алатки може реално да им помогне не само на многу граѓани и компании, туку и на многу институции како да станат поефикасни и со помал број на вработени да функционираат еднакво ефикасно,“ рече директорот на Фондот, Јован Деспотовски.

Предлог решенијата треба да се имплементираат во кус рок, но треба да бидат применливи и во нормални услови, по прекинот на превентивните мерки поврзани со КОВИД – 19 вирусот, како придонес кон забрзана дигитализација на општеството. Проектите меѓу другото може да опфатат решенија за полесно следење и ажурирање на информациите од властите поврзани со коронавирусот и превентивните мерки, решенија за справување со ширење на лажни вести, дигитални платформи и училници, решенија за квалитетно искористување на слободното време во домот, дигитални книжарници, игри, поврзување и натпревари, учење на странски јазици, квизови, решенија за надзор/консултација на медицински персонал со болни лица.

Деспотовски  најави и нов предлог мерки како дополнение на пакетот економски мерки на Владата.

“Ова се вонредни околности кои бараат и вонредни решенија понекогаш и радикални, но мислам дека треба да се обидеме од ова да излеземе посилни. Тоа значи дека треба да предложиме мерки кои не секогаш излегуваат од теорија, да бидеме и малку креативни и да излеземе надвор од кутијата. Да преземеме мерки коишто навистина ќе им помогнат на компаниите не само да ја пребродат кризата, туку да станат и посилнии. Тимот на Фондот веќе работи на подготовка на предлог пакет мерки во рамки на нашиот мандат на политики кои ќе бидат доставени до владата. Верувам дека дел ќе бидат прифатени и ќе ни се овозможи да ги имплементираме, бидејќи како што и досега мерките кои ги имплементираме, а не се традиционални веќе даваат резултати, верувам дека и овие ќе дадат резултати,“ порача Деспотовски.

Денес објавениот  повик е прва од иницијативите на Фондот за справување со последиците од коронавирусот. Вкупниот буџет за предизвикот изнесува 10 милиони денари, со максимален износ по апликација од 10.000,00 евра во денарска противвредност. Целосниот износ на средства го обезбедува ФИТР. На предизвикот може да учествуваат поединци, групи, организации и компании кои сметаат дека може да дадат креативен придонес во остварување на овие цели.

Во првата фаза треба да се достават само предлог концепти. Евалуацијата на пристигнатите предлог – проекти (концепти) ќе ја врши Комисија за избор составена од претставници на ФИТР, МАСИТ, Амбасада на Швајцарија во Република Северна Македонија, УСАИД, УНДП, УНИЦЕФ и други партнери/експерти. По првата фаза, сите предселектирани идеи ќе имаат рок од 48 часа да изработат детален план на активности и предлог буџет. Апликантите  чии предлог проекти (концепти) ќе бидат избрани во фазата на финална селекција ќе имаат обврска да подготват јавна презентација на предлогот пред Комисијата. Јавната презентација на решенијата и евалуацијата ќе се врши онлајн преку видео – конференциска врска. Предлозите ќе се оценуваат според степен на иновативност, рок и механизми за реализација, капацитет на проектниот тим и влијание.

Рокот за аплицирање е од 19.03 до до 22/03/2020 година до 23.59 ч

Повикот е достапен на следниот линк: http://www.fitr.mk/wp-content/uploads/2020/03/kreaton-Javen-povik_v6.pdf

За 30% зголемен бројот на апликации на вториот јавен повик „Стартапувај“ – процесот на евалуација и селекција продолжува онлајн согласно препораките на Владата

Рекорден број 235 стартап компании аплицираа на вториот јавен повик “Стартапувај 2“, наменет  за кофинансирани грантови за новоосновани компании кој Фондот за иновации и технолошки развој го спроведува во соработка со Светска банка. Ова е за 30% повеќе во споредба со првиот повик наменет за поддршка на стартапи реализиран минатата година на кој беа пријавени 186 апликанти.

Овие компании од Фондот побаруваат околу 7 милиони евра што е 4.5 пати повеќе од предвидениот буџет за повикот кој изнесува 1,5 милиони евра.

Вкупниот обем на планирани инвестиции изнесува 9 милиони евра од кои над 2 милиони е влог на самите компании бидејќи Владата на Република Северна Македонија преку овој повик обезбедува поддршка до 85% во максимален износ до 30.000 евра, додека останатите 15% се средства на апликантите.

Фокусот на овој инструмент се младите, а целта е поттикнување на истражувачките и развојните процеси на нови бизниси.

Според првичните анализи компаниите планираат 660 нови вработувања за реализација на овие проекти. Најголем дел од нив се микро (208) и мали (27). Доминантен е ИТ секторот, но апликации има и од 14 други области, меѓу кои маркетинг, трговија и продажба, медицина и здравство, како и угостителство, земјоделство и образование. Позитивен тренд има и во зголемување на бројката на градови и општини во кои се регистрирани компаниите. Иако во најголем дел се од Скопје, апликантите доаѓаат од 30 градови и општини, меѓу кои и од Штип, Битола, Кавадарци, Струга, Тетово, Охрид, Неготино, Дебар, Кичево, Кратово, Крива Паланка, но и од Росоман, Сопиште, Босилово и Дебарца.

Во услови на засилени превентивни мерки за заштита од Ковид-19, а со цел непрекинато функционирање на процесот, процесот на евалуација и селекција продолжува онлајн и дигитализирано согласно препораките и мерките на Владата за справување со ширење на коронавирусот. Фондот ја започнува административна проверка на пристигнатите предлог апликации и во согласност со мерките за превенција, наместо апликантите ќе ги обезбеди потребните документи поврзани со институциите до кои има пристап (нпр. Централен регистар). Во однос на документите кои треба да се поднесат лично, во оваа фаза апликантите ќе бидат ослободени од оваа обврска и истите ќе биде овозможено да ги достават пред потпишување на договорите. Ваквото олеснување е со цел подобра заштита на граѓаните и користење на предноста на веќе воспоставените механизми во ФИТР за целосна дигитализација на процесот на аплицирање.

По фазата на административна проверка, следи претселекција која ја вршат домашни стручни лица. Финалните одлуки за финансирање ќе ги донесе Комитетот за одобруваање на инвестиции, составен од петмина странски експерти. Проектите ќе бидат оценувани според степен на иновативност, квалитет на проектот, капацитет на проектниот тим, пазарен потенцијал и влијание.

Јавниот повик “Стартапувај 2“ беше објавен на 25.12.2019, а поради зголемениот интерес, особено од студенти и млади од целата држава, рокот за аплцирање беше продолжен до 15 март, 2020 година.

 

Резултати во фаза на апликација

ИЗВЕСТУВАЊЕ ПОВРЗАНО СО КОВИД-19

Фондот за иновации и технолошки развој (ФИТР) како општествено одговорна институција грижејќи се за своите вработени, корисниците и граѓаните постапува по дадените препораки во согласност со мерките и активности за превенција од ширењето на корона вирусот од страна на Владата на Република Северна Македонија.

Во услови на засилени мерки за превенција Ве известуваме дека Фондот воведува нов времен режим на работа со странки. Ве молиме сите што имаат потреба за контакт со Фондот или имаат барања/прашања да ги користат нашите електронски сервиси  – веб страната www.fitr.mk,  пишете ни Info@fitr.mk или контактирајте нѐ преку социјалните медиуми:

Фејсбук: https://www.facebook.com/fondzainovacii

Инстаграм: https://www.instagram.com/fondzainovacii

Твитер: https://twitter.com/InFondMK

 

Нашите вработени Ви стојат на располагање и може директно да не контактирате секој работен ден од 08:30 до 16:30 часот на следните телефони:

 

Инфо број на ФИТР:

02 314 5258

 

За прашања директно поврзани со:

 

Мониторинг:

Никола Клопчевски – nikola.klopcevski@fitr.mk , 072 314648

 

Тековни повици:

За јавниот повик „О2 предизвик 2“ – Валентина Димитриевска, 071 393 857, valentina.dimitrievska@fitr.mk

За јавен повик „Предизвик за млади истражувачи 3“  – Катарина Кречева, 072 314 636, katarina.kreceva@fitr.mk

 

Финансии:

Илинка Палчевска Делева – ilinka.deleva@fitr.mk, 070 409 579

 

Правна служба:

Кристина Кучера – kristina.kuchera@fitr.mk, 077 615 774

 

Меѓународна соработка:

Тања Илијевска – tanja.ilijevska@fitr.mk, 071 372842

 

Предвидените работни состаноци кои не можат да се одложат, ќе бидат организирани преку видео-конференциска врска.

Ви благодариме на Вашето разбирање и поддршка во зачувување на јавното здравје и безбедност.

 

Со почит,

Фонд за иновации и технолошки развој

ФИТР препознаен како успешен модел – поднесена иницијатива да се преслика на регионално ниво

Фондот за иновации и технолошки развој е препознаен како успешен пример во студијата изготвена од Светскиот економски форум (ВЕФ) со предлог да се преслика и во другите земји од регионот. Анализата на ВЕФ во која се идентификуваат можностите и приоритети за идната Платформа за конкурентност и иновации на Западен Балкан беше претставена на лидерската средба во Тирана на која ресорни министри, директори и бизнисмени дебатираа за идната соработка и дефинирање на акцискиот план за имплементација на овој проект.

Министерката за финансии, Нина Ангеловска и директорот на ФИТР, Јован Деспотовски на средбата поднесоа конкретен предлог за основање на регионален Фонд за иновации кој ќе има за цел да привлече поголем прилив на странски капитал и зголемена конкурентност на регионот.

Деспотовски и Ангеловска на регионална конференција во Тирана 2

“Инициравме креирање на регионален Фонд за иновации со кој ќе се искористи потенцијалот на регионалниот пазар од 17 милиони луѓе, а не само на фрагментираните пазари. Ние имаме инвестициско портфолио од околу 65 милиони евра. Над 340 компании веќе користат средства за иновации и технолошки развој. Сите овие бројки и резултати се препознаени и од меѓународните партнери. Целта е моделот што веќе функционира во Северна Македонија, кој, исто така постои и во Србија, да се подигне на едно повисоко ниво,“ нагласи Деспотовски.  

Целта на регионалниот фонд е зајакнување на прекуграничната соработка и поттикнување на инвестиции во приватниот сектор и иновациите, како и отворање на нови можности за финансирање на бизнис проекти во регионот. Исто така целта е да се отвори поголем пазар и можности за пристап до таленти, со што би се придонело и кон намалување на проблемот со одлив на мозоци.

Предлогот доби поддршка и од претставниците на бизнис заедницата и од делегациите на 6те земји од Западниот Балкан кои се вклучени во проектот. Сите ја нагласија потребата од користење и унапредување на веќе постоечки успешни модели со цел забрзан раст и развој на регионот и предностите на регионалната соработка.

И министерката Ангеловска нагласи дека е многу важно што во оваа иницијатива за зголемување на конкурентноста на регионот и пробив на домашните компании на глобалниот пазар ќе бидат вклучени и јавниот и приватниот сектор.

2Деспотовски и Ангеловска на регионална конференција во Тирана 3

“Со здружени напори треба да ги адресираме проблемите со кои се соочуваат сите земји во регионот како – јазот во потребните вештини, особено критичко размислување и претприемништво, одливот на таленти, олеснување на административните процедури. Преку креирање на екосистеми во кои ќе се развиваат компаниите и стартапите ќе прераснат во успешна приказна, ќе може да изградиме конкурентна економија, на национално, но и регионално ниво,“ изјави Ангеловска.

Инаку ова е прва иницијативата на Светскиот економски форум за земјите од Западен Балкан, што има за цел да се развие платформа – бизнис акцелератор кој ќе придонесе до придонесе за забрзување на иновациите и конкурентноста во регионот и поголема соработка на економски план. Според нив, трансформативно претприемништво, трпеливо инвестирање, нови пазари и предвидувања со конкретни препораки за акција се четирите приоритети на идниот акцелератор за конкурентност и иновации на Западен Балкан кој е во почетна фаза.

ФИТР воведува нов механизам за поддршка на млади талентирани деца

Фонд за иновации и технолошки развој организираше консултативна дебата за новиот механизам за финансиска поддршка на младите креативци. ФИТР подготви  „Правилник за финансиска поддршка на научно-технолошката извонредност и претприемништвото кај учениците и младите“ – нацрт документ кој има за цел да ги утврди правилата според кои ќе се доделува финансиска и техничка помош на талентирани деца и нивните ментори. Претставници на повеќе образовни институции и граѓански здруженија кои учествуваат на дебатата го оценија овој чекор како позитивен дополнувајќи го со свои сугестии и коментари кои ќе бидат земени во финализирањето на правилникот.

Целта на воспоставувањето на новата мерка е отворање на дополнителни можности за финансирање на младите креативци при што ќе бидат опфатени сите фази, од идентификување на нивниот потенцијал и можности, подготовка за учество на меѓународни натпревари и финансиска поддршка.

Консултативна средба во ФИТР за поддршка на талентирани деца 2

Оваа мерка е наменета за сите образовни установи и здруженија кои спроведуваат активности за поддршка на талентирани ученици и студенти или работат на развој на претприемачки способности кај младите.

“Наша должност како општество е да се грижиме за најталентираните и најспособните, но и на сите да им овозможиме еднаков и фер пристап до поддршка за да ги реализираат сопствените потенцијали. Оваа мерка има за цел намалување на одливот на мозоци и унапредување на вештините на талентираните деца потребни за нивно вклучување и лидерство во иновативните и технолошки напредни индустрии. Ова е процес со кој вистински и конкретно ќе вложиме во иднината на оваа држава. Бидејќи вложување во младите е вложување во нашата иднина “, посочи Јован Деспотовски, директор на Фондот за иновации и технолошки развој.

Инаку со овој механизам поддршката за научно-технолошка извонредност и претприемништво кај учениците и младите ќе се доделува во вид на грант во износ од минимум 30.000 (триесет илјади) денари до максимум 600.000 (шестотини илјади) денари. Грантот може да го покрива целиот износ на потребното финансирање за предвидените активности. Кофинансирањето обезбедено од други извори, ќе се земе во предвид при бодувањето на апликациите.

Нацрт документот во следните 15 дена ќе биде објавен и на веб страната на Фондот (www.fitr.mk) со цел и пошироката јавност да се вклучи со конструктивни коментари и сугестии. Финалната верзија на документот потоа ќе биде доставена до Владата на Република Северна Македонија.

Консултативна средба во ФИТР за поддршка на талентирани деца 3

Инаку оваа мерка е дел од пошироката иницијатива на ФИТР од почетокот на 2019 за креирање на т.н. „Фонд за млади умови“- системско решение со кое државата во иднина ќе вложува во развивање и поддршка на таленти кај младите. Во рамките на овој Фонд веќе се интегрирани програмите „Џуниор Ачивмент“, UPSHIFT и Предизвик за млади истражувачи, наменети за ученици од основно и средно.

ФИТР само во изминатата година има инвестирано околу 20 милиони денари во реализација на програми наменети за млади и деца од различни возрасти, со цел поттикнување на нивното критичко размислување и иновативност. Преку програмите на Фондот до сега се поддржани 54 средни и основни училишта со над 500 вклучени ученици и ментори.

ФИТР инвестира 2,2 милиони евра во технолошки развој за 33 компании кои аплицираа по скратена постапка на инструментот за технолошки развој

Триесет и три компании кои аплицираа по скратена постапка на Јавниот повик за кофинансирани грантови за технолошки развој на ФИТР ќе добијат 2.2 милиони евра, додека самите ќе вложат околу 5 милиони свои средства.

Вкупниот обем на инвестиции кај овие проекти е над 7 милиони евра, а со овој повик Владата обезбедува до 30%, додека останатите 70 % се влог на компаниите.

Компаниите од Фондот побаруваат 2,2 милиони евра максимален износ што е 73% од вкупниот буџет наменет за овој повик кој во рамките на скратената постапка изнесува 3 милиони евра.

Овој повик е наменет за финансиска поддршка за технолошки развој на претпријатија и приватни здравствени установи („ПЗУ“), меѓу другото за набавка на опрема, воведување нови производствени линии, подготовка и спроведување на активности за подобрување на енергетската ефикасност и сл.

Сите овие проекти имаат за цел воведување на нови технологии во работењето со што се зголемува конурентноста на домашните компании.

Поддржаните проекти со кои овие компании сакаат да го унапредат нивото на технолошки развој се од 15 области од кои доминантно во секторот, трговија и продажба, како и маркетинг, образование, земјоделие, градежништво, енергетика, угостителство и медицина.

Најголем дел од нив се мали (19) и микро (10) претпријатија,  додека останатите се средни (4). Овие компании се од 13 града, од кои во најголем дел од Скопје, Тетово, Прилеп, Битола, Виница и Гевгелија.

За останатите компании кои аплицираа на овој повик, а за кои Комитетот за одобрување на инвестиции смета дека сеуште не се подготвени за финансирање имаат можност да одговорат на доставените коментари и препораки од КОИ. За оние кои ќе ја искористат таа можност Комитетот повторно ќе ги разгледа нивните аргументи по што ќе донесе конечна одлука. Оваа новина на Фондот за двонасочна комуникација има за цел подобрување на комуникацијата со апликантите, транспарентност и подобрени услуги.

На повикот по скратена постапка аплицираа 45 компании, а таа беше воведена со цел олеснета процедура за апликантите кои ја поминале фазата на административна проверка и претселекција, но не биле избрани за кофинансирање. (http://www.fitr.mk/wp-content/uploads/2020/02/Tabela-Tehnoloshki-razvoj_01.pdf)

Инаку поради големиот интерес, на барање на домашните компании, Фондот го продолжи рокот за аплицирање за јавниот повик за технолошки развој по редовна постапка до 10 февруари 2020 година (до 23:59 часот).

Повеќе информации за повикот и начинот на аплицирање на http://www.fitr.mk/tehnoloshki-razvoj/