Startapuvaj-baner_640x360px

ФИТР повторно организира работилница за подготовка на апликации за „СтартАПувај“

Поради големиот интерес, ФИТР повторно организира работилница за подготовка за апликации на предлог проекти во рамки на тековниот јавен повик „Стартапувај“.

Работилницата која ќе биде според истата програма како и претходната, ќе се одржи од 26 до 28 ноември 2018 год, во просториите на ФИТР во ГТЦ (1 спрат, спроти Жена Парк), во соработка со Швајцарската програма за претприемништво (Swiss Entrepreneurship Program).

FITR_Startapuvaj_19-11-18_08

Работилницата ќе ја водат експерти со меѓународно искуство од областа на претприемништвото, а во текот на трите дена тие ќе ги обучуваат присутните за различни видови бизнис модели, валидација и анализа на пазар, подготовка на финансиски проекции, подготовка на стратегија за лансирање и продажба на производ и др.

Бидејќи местата за учесниците се ограничени.и замолуваме сите заинтересирани најдоцна до 23.11.2018 година (петок) задолжително да се пријават на следниот линк:
https://goo.gl/forms/OoLYsA8yjH3GTQih1

Учеството во работилницата е бесплатно!